निषेधाज्ञासँगै सुनसान बन्यो विराटनगर, तस्बिरमा हेर्नुहोस्

निषेधाज्ञासँगै सुनसान बन्यो विराटनगर, तस्बिरमा हेर्नुहोस्

जिल्ला प्रशासन कार्यालय मोरङले कोरोना संक्रमणको दोस्रो भेरियन्टको सघन विस्तार क्षेत्र विराटनगर महानगरपालिकासहित आसपासको क्षेत्रमा एक सातासम्म निषेधाज्ञा जारी गरेको छ ।
शनिबार राति १२ बजेदेखि लागु हुने गरि विराटनगर महानगरपालिका, बुढीगंगा गाउँपालिका, जहदा गाउँपालिका र कटहरी गाउँपालिकाको वडा नम्बर १, २, ३ र ४ मा निषेधाज्ञा आदेश जारी गरिएको हो ।

महानगरपालिकामा तिब्रतर रुपमा बढिरहेको कोरोनालाई लक्षित गर्दै महानगरसँग सीमा जोडिएका अन्य स्थानीय तहमा निषेधाज्ञा आदेश जारी गरिएपछि विराटनगरका मुख्य सडक क्षेत्र सुनसान भएका छन् । बिहानैदेखि प्रहरी परिचालन गरी सडकमा दौडिएका सवारी साधानलाई चेकजाँच गर्न थालिएको छ ।

औषधी, खाद्यवस्तु तथा अत्यावश्यक सेवा वस्तु खरिद गर्न बाहेक हिँडडुलमा रोक लगाइएको छ । दुध, खाद्यवस्तु, खाना पकाउने ग्यास तथा तरकारी आपूर्ति प्रणाली बिहान १० बजेसम्म गरिसक्नुपर्नेछ ।
गुद्री बजार, सब्जीमण्डी, होटल, रेष्टुराँ, सैलुन, ई–रिक्सा समेत सञ्चालनमा रोक लगाइएको छ । निर्माण सामाग्री बिहान १० बजेसम्म मात्र सञ्चालन गर्न पाइने भएको छ ।

अत्यावश्यक सेवामा सञ्चालन हुने विद्युत, पानी, दुध, डेरी, सञ्चार, फलफुल, एम्बुलेन्स, बिरामी बोकेको गाडी, शव वाहन र सरकारी नम्बर प्लेटका गाडी बाहेक अन्य सवारी पूर्ण रुपमा सञ्चालनमा रोक लगाइएको छ । सरकारी कार्यालयहरु आलोपालो प्रणालीमा सञ्चालन गरिनुपर्नेछ ।

मोरङमा शनिबारसम्म १७ सय ८३ जना कोरोनाभाइरसको सक्रिय संक्रमित रहेका छन् ।

 

Please follow and like us:

Leave a Reply

Your email address will not be published. Required fields are marked *